My Third Eye

Malakas talaga ang "intuition" ko.  Sabi nga ng kaibigan ko, may third eye daw ako.
Nung college ako nung nag bye bye na kami ng aking first BF, alam na alam ko kung masasalubong ko siya sa Session Road.
Nakakaramdam ako ng kakaiba at bongga, yun na nga siya, malayo palang kita ko na.
Nakakatuwa kaya lang minsan, kasama na niya yung babaeng mega kung maglipstick hahahah (sour-ness pa?)


Nakakakita/nakakaramdam din ako ng mga MULTO!
Oo nung nasa Sagada kami ng HS barkada ko.
Takot sila lahat tumabi sakin kasi bigla akong may nakikitang kung ano ano.
But I have "closed" that eye na.
Shooo na lahat ng mga multo, di ko kayo type ano.


Dahil sa kinakarir ko ang pagpa-pump ng gatas ni Aeden kahit na nagtatrabaho na ako, ayan gumana na naman!
Ayaw ko na kasi gawin ang project ko sa TOILET!!!
Kasi kahit kegaganda at ketataas ng mga skirt at heels ng mga nasa admin, ambabaho ng mga poopoo nila.
Yes, minsan nasusuka na ako. Bakit kasi kelangan pa nilang gawin yun sa office? Pag gising kasi dapat dumumi na! Sa bahay….
Walang breeding ang mga insektong to!


So mega hanap ako ng secluded corner. Walang iba kundi ang helium room na nasa tapat lang ng mesa ko.
OK nagdala ako ng wall paper para masaraduhan ko ang salamin sa pinto.
Hinahanap ko yung Engineer in-charge para naman makapag paalam.
At ang aga namang pumasok ng clean room.


Kaya sige, kinabit ko na ang papel.
Naku oras na ng project, wala pa siya.
So, dapat stick to schedule, kaya pumasok nako at naglock.
Pawisan ako kasi normally wala naman sila sa office, lagi sa production.
Bakit today, rinig ko silang lahat sa labas? Naku laking takot ko na may kailangan sila sa room at pumasok.
Huwag naman pleaaaase...pero feeling ko talaga mangyayari eh.

Midway of my project…the door knob clicks!


SHET! di ako nagmumura sa totoong buhay.
So naghuhulaan sila sa labas kung sino ang nasa loob at bakit nakalock, binaba ko ang shirt ko at lumabas.
"Sorry, I'm using the room." I felt my blood rush to my cheeks. Gawang Baguio girl nga ako, rosy cheeks.
Pati sila nahiya sa pangyayari. 6 MALE engineers!!!! Discovered my innovative project hahahaha.
Bumalik ako sa loob para ituloy, intsikan sila ng instikan, hagikhik ng hagikhik. Nahiya tuloy ang milk lumabas :-(


Naku Aeden, pag laki mo ikukuwento ko to sa iyo.
Gusto ko na matunaw on the spot.


Well, gusto ko paring ituloy ito. Pero dahil sa stress/pagod, kulang na ang na-eexpress ko.
I could do 7 ounce on one side dati pero ngayon 2 ounce nalang from 2 sides pa.
Aeden needs 3 ounces every 3 hours.
I've been taking Malunggay capsules but has no effect. 2 capsules every morning.
Now I read a study at the Ospital ng Maynila that they gave 2 tablets 3X a day to increase breastmilk.
Haaay….kelangan pala nilalaklak ang malunggay. Masubukan nga.
At simula sa Lunes, di na muna ako magmamadaling umuwi ng tanghali.
Pahinga muna si Mommy.